Monday, August 29, 2016

Binadil na si 'Kalaw' sa Daet, CNorte, gadan

DAET, CNorte August 28, 2016 (Bicol Standard) “Dae na nindo maheheling na buhay si 'Kalaw', ta binawian na siya nin buhay kan makipagbadilan sa mga dae bistong mga tawo sa Trece de Mayo St.,sa atubangan na gayo kan Camarines Norte Provincial Hospital sa P-1, Brgy. 6 sa banwaan na ini.


Si “Kalaw" na an tunay na pangaran ni Eduardo Bautista Jr y Sarmiento, napurohan kan mga tama nin badil sa saiyang lawas.

Dinara pa kuta an saiyang maylugad na hawak sa hospital, alagad, an sabi kan doctor na nag-asikaso saiya, mayo na siya nin hinangos kan mag-abot.

Afuera ki “Kalaw”, si Mark Paul Espanol nagsapo man nin mga bakrus sa saiyang lawas, huli sa kaparehong incidente.

Naheling kan mga testigo na an nagbadil ki “Kalaw” iyo an duwang persona na nakasakay sa motorsiklo.

Pagkatapos sana kan krimen, marikas na nagdulag an duwang suspechado pasiring sa dae madeterminaran na direksyon.

An mga pulis naggigibo pa kan saindang imbestigasyon dapit sa krimen na ini.
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...