Wednesday, August 3, 2016

Mayo pang bill para i-postpone an Barangay/SK Election

LEGAZPI CITY, Agosto 3, 2016 (Bicol Standard) - “Mayong bill na nakafile ngonian sa Congress na nag hahagad na i-oktaba an nagdadangadang na election sa barangay asin sa Sangguniang Kabataan.”

Cong. Fernando Gonzalez
Ini an sinabi ni Albay 3rd District Congressman Fernando V. Gonzalez, sa intrevista ni Mark Kevin Arroco sa radio, kasubagong aga.

Segun ki Cong. Gonzalez, nag abot talaga sa punto na nasambit an planong pag-oktaba kan sinambit na election, bilang parte kan plano na amendaran an Constitution.

Saro sa mga plano sa pag-amienda iyo an Constitional Convention, na kun saen ma-elihir nin mga delegado hale sa mga distrito. Kun ini an mapipili na paagui sa amendment, pig-iisipan kan iba na isabay na sana an nasambit na election sa brangay asin SK election, sabi pa.

“Alagad, mayo pang bill na nakafile ngonian na naghahagad kan pagpostpone kan pirilian, kaya dagos an election sa itinalaan na fecha sa Octobre 31," dagdag pang panahayag.

Mientrastanto, dakul an nagkarilibong kan nagbalangibog na bareta na may plano an Congreso na mag aprobar nin ley na ma-oktaba kan pirilian.

Huli kan bagay na ini, pigclaro ni Cong. Gonzalez na an mga nagluwas na mga informasyon, parte sana kan mga pighahace na pag-amienda kan ley fundamental.

Inako man kan deputado na an mayoriya sa mga miembros kan Camara Baja an nagboto nin afabor sa Constitutional Convention na paagui sa pag-amienda kan Constitution.

Alagad, an botorohan kasoodma, dae nagtukar kan pag-oktaba kan election sa barangay asin sa Sangguniang Kabataan. (BICOLSTANDARD.COM)
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...