Friday, August 12, 2016

Bicol Death Squad, inako an paggadan kan suspechadong imbuelto sa droga sa Masbate

CAWAYAN, Masbate, August 12, 2016 (Bicol Standard) –“Drug Lord Ako! Wag Tularan - Bicol Death Squad."Ini an nakasurat na mga tataramon na iwinalat kan mga naggadan ki Rey Lopez y Pontiras, 29, na sarong negosyante sa banwaan na ini.


Binadil sa payo si Lopez kasoodmang alas 9:00 nin aga sa atubangan kan saiyang bago pa sanang ipinatugdok na harong.

An sabi kan mga imbestigador, dinulok an victima nin duwang mga armadong lalaki, dangan binadil tulos an siya sa man laen-laen na parte kan saiyang lawas.

Para maseguro na an victima talagang magagadan, pigranihan pa suboot ini kan mga suspechado, asin binadil pa sa saiyang payo.

Pakatapos kan incidente, an mga responsable sa krimen tulos nagdurulag pasiring dae madeterminaran na direksyon.

Dinara pa kuta an victima sa Cawayan District Hospital, alagad, ipigdeclarar na mayo na siya nin buhay.

Ini an pinaka primerong estorya sa serye nin mga extra-judicial killings na an mga paragadan nagpabisto na mga miembro kan Bicol Death Squad.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...