Tuesday, August 9, 2016

Bagong mag-graduar na pulis, gadan sa aksidente sa Camalig, Albay

CAMALIG, Albay August 9, 2016 (Bicol Standard) -- Mayo na nin buhay si PO1 Darel John Dondonilla y Bustarga, 23, taga Brgy. 21, Binanuahan West, Legazpi City kan magabot an saiyang lawas sa hospital kasubagong aga, pagkatapos na ma aksidente sa tinampo.

Kua ni Jun Alegre / Zagitzit FM
An incidente nangyari sa Maharlika Highway, sa Brgy Libod, sa banwaan na ini.

An mga imbestigador nagsabi na an aksidente nangyari poco mas o menos alas 9:35 nin aga.

Sabi sa report na an victima iyo si nagmamaneho kan puti na Yamaha Vega Force motorcycle na may plate number EC 66746.

An nakaaksidente saiya an puti na Mitsubushi Strada na may plate number YKB-605, na pig mamaneho mismo ni Engr. Edilberto Ativo y de la Rosa, District Engineer kan 3rd Engineering District sa Albay, na may Oficina sa Ligao City.

Sa report pa kan imbestigador, an motorsiklo nagdadalagan pasiring sa direksyon kan Ciudad nin Legazpi hale sa Guinobatan.

An Mitsubishi Strada, kasabatan kan motorsiklo.

Nawaran suboot nin control an driver kan awto kaya apat (4) na beses ining nagtalibong sa tinampo.

Dangan nabudalan an kasabatan na motorsiklo na pigmamaneho kan pulis.

Nahulog sa kale an Mitsibishi Estrada, asin naligis si PO1 Dondonilla kan awto.

Huli kan pangyayari, nagsapo nin grabeng lugad an victima na iyong naging rason kan saiyang kagadanan.

An victima bago pa sanang maggraduar sa saiyang training bilang miembro kan Philippine National Police.

Siya nakadistino sa oficina sa Camp Simeon Ola, sa Albay.
Share:

Featured Post

Drug lab query continues

Committee on Dangerous Drugs points to more inconsistencies VIRAC, Catanduanes 2/27/17 (Bicol Standard)—The House Committee on Dange...