Thursday, August 18, 2016

Babaeng tulak nin droga sa Naga City, nadakop na

NAGA CITY August 18, 2016 (Bicol Standard) -- Dinakop kan pinagsararong fuerza kan pulis digdi si Johanna David y San Jose, taga Brgy. Sta Cruz, poco mas o menos alas 3:30 nin aga, pagkatapos na magpabakal shabu sa mga awtoridad.


Por medio nin entrapment operation, an pusuanon na paratinda nin droga nagpabakal kan ipigpapangalad na bulong sa sarong ahente kan pulis, na nagsaguin-saguin na parabakal.

Nangyari an buy-bust operation sa Puregold compound, Triangulo.

Nakua sa saiyang poder an sarong medium heat-sealed transparent plastic sachet na may laog kan pigtutobodan na shabu, an ginamit na buy-bust money na kantidad P500, asin cash na kantidad P4,338.

An suspechado haloy nang pigmamanmanan kan mga awtoridad huli sa mga reports na aktibo siyang maray sa pagpabakal nin droga.

Mientrastanto, si gabos na mga evidencia na nakua ki David an dinara sa police station para sa magkakanigong disposisyon.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...