Monday, August 15, 2016

Amigong pinapasuko huli sa droga, tinigbas an amigong nagpapasuko saiya

VINZONS, Camarines Norte August 15, 2016 (Bicol Standard) – An maogmang tiripon nin mga mag aramigo sa Sitio Minaogan, Brgy. Calangcawan Norte sa banwaan na ini an nagtapos sa mamundong kagadanan ni Antonio Pajarillo y Cortes, taga Brgy. Banocboc, digdi.



An mga imbestigador nagsabi na an victimang si Pajarillo, nakihampangan sa saiyang mga dayupot na amigo para combensiron si Edison Tolentino Valenzuela, na amigo man ninda na magsuko na sa pulis.

Si Tolentino, sabi sa report, pig sosoponiran kan magkabararkada na imbuelto sa pag gamit nin illegal na droga.

Nagpadagos si saindang maogmang irinoman na dae naghohona na makulog palan an boot kan suspechado, huli sa mga pakiolay sa suspechado na magsuko sa mga awtoridad.

Mientrastanto, kan tapos na si ininoman, si mag aramigo nagpasiring sa residencia kan victima para magpahingaw.

Dae ninda pig lalaoman na masunod palan sa harong kan victima an suspechado, na may dara nan in armas, tanganing gadanon an victima.

Mientras na nanok sa pagturog an mag aramigo sa harong kan victima, an suspechado naghikihik na maglaog sa residencia kan victima, asin pirang beses na tinaga sa man laen-laen na parte kan hawak an victima.

Binawian tulos nin buhay an victima sa lugar na pinangyarihan kan krimen.

An mga pulis nag hahanda na kan kasong pang gadan contra sa suspechado.
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...