Thursday, August 25, 2016

‘Alyas Junior Tagalog,’ gadan sa pakibadilan sa pulis sa Daet

DAET, Camarines Norte August 25, 2016 (Bicol Standard) – Binawian nin buhay si George Jackson alyas “Junior Tagalog” pagkatapos na makibadilan sa mga pulis kasubagong alas 8:45, ngonian na banggui.



Nangyari an incidente sa Brgy. Alawihaw, digdi.

Sabi sa report, an mga miembros kan Special Operation Team (SOT) kan CIDG katabang an Camarines Norte CIDT, magkatuwang na maserve kuta kan Warrant of Arrest an sinambit na grupo contra ki “Junior Tagalog” huli kan saiyang inaatubang na casong pagbalga kan RA 9165, na mas bisto sa apod na Comprehensive Dangerous Drugs Act of 2002.

An Arrest Warrant contra saiya firmado ni Judge Soliman Santos kan RTC Branch 61 sa Ciudad nin Naga.

Sa nasambit na mandamiento de arresto, si Judge Santos nag recomendar nin fianzang kantidad P200,000 para sa temporaryong libertad kan victima.

Nagluluwas sa record na si “Junior Tagalog” yaon sa listahan kan mga personalidad na imbuelto sa pagbariwas nin droga sa Ciudad nin Naga.

Mientrastanto, an victima armado nin calibre .38ng revolver kan makipagbadilan.



Binawian siya nin buhay sa lugar na nagkaigwa sinda nin encontrada.
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...