Miembro kan Alegre Drug Group sa Naga City, arestado

NAGA CITY, Agosto 30, 2016 (Bicol Standard) -- Nahulog na sa kamot kan CIDG Camarines Sur asin Naga City Police Office an suboot miembro kan Alegre Drug Group na si Susan Alegre y Rosales.

Susan Alegre y Rosales
Retrato hale sa CIDG
Si Alegre nadakop sa Zone 6, San Felipe, sa ciudad na ini kan Agosto 27.

An Alegre Drug Group, segun sa CIDG, kabale sa pigtututukan na Drug Watchlist sa Naga City.

An anti-drug operation ki Susan Alegre pigconducir kan pinagsarong fuerza kan CIDG Camarines Sur sa pangengenot ni Chief Inspector Ronnie Fabia, asin Naga City Police Office.

Maroromdoman na kan nakaaging Julio, nadakop naman an suboot lider kan Alegre Drug Group na si Alfie Alegre, asin an tugang kaini na si Jose.

Nakua sa magtugang an bulto nin shabu na may 150 gramos asin may kantidad na P300,000.

Start typing and press Enter to search