Tuesday, August 23, 2016

3ng De Lima, dakop sa droga sa Baao

BAAO, Camarines Sur August 23, 2016 (Bicol Standard) – Bingo: Ini an marikas na reaksyon kan mga residentes kan San Juan, sa banwaan na ini kan aksidenteng madakop kan mga pulis an apat na personas na nasa aktong paggamit nin shabu.


Sabi sa police report, alas 6:00 kasubanggui, mantang regular na nagcoconducir sinda kan Oplan Tokhang/Project Double Barrel sa Zone 3 sa nasambit na barangay naabotan nindang nagkakaigwa nin drug session sinda Alexander Colarina y De Lima, 39, taga Brgy. San Agustin, Iriga City; William Catangui y Cederia, 28, taga San Juan, Baao; Zaldy Botin y De Lima, 31, taga San Juan, Baao; asin Richard Colarina y De Lima, 37, taga San Agustin, Iriga City.

Nakua kan mga awtoridad sa saindang poder iyo an duwang pidasong medium-size na heat-sealed plastic sachet na may laog nin pulbos na pigtutubudan na shabu, duwang pidasong aluminum foil, sarong pidasong improvised aluminum foil tooter, lighter asin sarong dae pa nagagamit na plastic sachet.

An mga nakuang evidencia sa lugar na piggibohan kan drug session an dinara sa Baao Municipal Police Station para sa magkakanigong disposisyon.

Mientrastanto, an barangay San Agustin, sa Ciudad kan Iriga iyo an kataid na barangay kan San Juan.

An San Agustin iyo man an barangay na midbid na estada kan mga miembros kan dakulang familia nin mga De Lima sa Ciudad nin Iriga.

Sa separadong entrevista kan BICOL STANDARD kasoodma, sinabi ni PSSupt. Walfredo Pornillos, Provincial Director kan Camarines Sur Provincial Police Office, na an Baao saro sa mga banwaan na may dakulang problema sa droga. Sa banwaan na ini, nakasentro an operasyon sa San Juan, na kun sain nadakop an apat na nasa drug session.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...