Monday, August 8, 2016

33,944 drug users; 1,910 pushers nag-surrender sa Bicol

LEGAZPI CITY August 8, 2016 (Bicol Standard) -- Nag-abot na sa numerong 33,944 an mga nagsurrender na paragamit nin ipigbabawal na bulong digdi sa Bicol, poon sana kan ilansar an programa ni Presidente Rodrigo Duterte kontra sa droga, hasta kasoodma, Agosto 7.



Ini an informasyon na ipinaluwas Oficina Regional kan Philippine National Police ngonian na aldaw.

“Dakul pa an pwedeng magdugang digdi, orog pang hirit na maray an kampanya,” sabi kan pulis.

Mientrastanto, sa sumada kan mga nagsurrender na mga pushers, nagtotal na ining 1,910 sa kapareyong periodo kan kampanya.

Si Chief Insp Malou Calubaquib, kan Oficina Regional kan PNP nagsabi sa mga miembros media na nagpapadagos sinda kan pagtipon kan mga informasyon mapadapit sa kampanya sa droga kan administrasyon.

An may pinakadakul na nagsuko hale man guiraray sa Camarines Sur, na iyong pinakadakulang provincia kan Bicol.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...