Saturday, August 13, 2016

2ng lalaki ginadan sa Baleno, Masbate

BALENO, Masbate August 13, 2016 (Bicol Standard) – Parehong binawian nin buhay sinda Garry Franco y Zaragoza, 44, asin si Gregorio Gernale y Rejuso, 42, na mga residente kan Brgy. Bagauma, Aroroy, Masbate kan sinda badilon nin mga dae nabistong mga tawo kasoodma.


Sabi sa report kan pulis, an duwang victima nakalunad sa sarong motorsiklo na sinda paarakasakan nin bala hale sa mga suspechado.

An incidente nangyari poco mas o menos alas 5:45 nin aga kan Jueves, Agosto 11, sa National Highway, sa Brgy Lohong digdi.

Marikas na nagdurulag an mga suspechado pasiring sa dae maaraman na direksyon.

Nagluluwas sa report hale sa mga awtoridad na si Garry Francisco iyo an ikatulo sa listahan kan mga pigtutubodad na may dakulang partisipasyon sa distribusyon kan ilegal na droga digdi.

Base sa mga nakalap na informasyon, posibleng an mga victima ginadan kan mga tawo na imbuelto sa serye nin extra-judicial killings digdi.

Mientrastanto, sa parte kan mga pulis, saindang sinabi na nagtitipon pa guiraray sinda nin mga evidencia na pwedeng maging dalan para masusug an responsable sa krimen.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...