For immediate hiring

For immediate hiring

Monday, August 15, 2016

15 anyos na solterito nag suicide gamit an badil kan saiyang ama

TABACO CITY August 15, 2016 (Bicol Standard) – Nakuang mayo na nin buhay an 15 anyos na si Raimon Allain Borromeo Bocalbos sa laog kan saindang residencia sa Block 9 Lot 7, Moran Estate Subdivision, Brgy. Mantagbac, digdi.


Sabi kan mga imbestigador an gadan may iwinanal na “suicide note” na naka surat sa ultimong duwang pahina kan saiyang libro, na may pangaran na Grade 10 Music Arts Physical Education Health book.

An ginamit kan victima iyo an calibre .40 na pistol (ARMSCOR) na rehistrado sa pangaran ni Allan Balidoy Bocalbos, an ama.

Segun sa declarasyon kan ina na si Maria Crisilda Borromeo Bocalbos, an victima may comunicasyon pa saiya sa paagui nin mga mensahe sa text.

Alagad, poco mas o menos alas 10:00 nin aga, kasubago, nagpundo na siya sa pagpadarang mga mensahe.

Nadiskubre an bangkay kan victima alas 12:00 ning odto kan magpuli na sa saindang harong an mga magurang na pareho nagtatrabaho sa Hall of Justice sa Bombon, digdi.

Inabotan kan mga magurang an gadan na nindang akin na nagkakarigos nin dugo, ta may tama nin bala an saiyang payo, na pwedeng hale sa bala kan badil na ginamit sa pag suicide.

Afuera kan calibre .40 na pistol, may mga nakua pang bala sa lugar na namumugtakan kan bangkay.

An bala na ikina gadan kan victima naglaog sa saiyang payo sa toong parte asin nagbalda sa ibong kan payo, dangan nagtama pa sa lanob.

An mga awtoridad dinara an bangkay kan victima sa funeraria para sa post mortem examination.

Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...