Friday, August 5, 2016

12ng kapitan, 52 na consejal, nagsuko sa pulis sa Albay

LEGAZPI CITY, Agosto 4, 2016 (Bicol Standard)-- Pigconfirmar kan Oficina kan Provincial Director kan PNP sa Albay na hastang ngonian na aldaw igwa nang total na 74ng mga oficiales lokal an nag surrender asin nag akong nag-gagamit o imbuelto sinda sa ilegal na droga.



Maski itinago ngona an saindang mga pangaran asin lugar na pighalean, sinabi sa report na an may pinaka halangkaw na pwesto sa gobiernong nagsuko iyo an sarong elihidong consejal kan banwaan o ciudad.

Hastang ngonian man na aldaw, 12 nang mga Punong Barangay, 52 na mga consejal, 3ng tesorero asin na 6 na secretaryo nin mga barangay an nag kusang nagdulok sa saindang mga hepatura kan pulis para magsurrender.

Mientrastanto, sinabi kan PNP na nakaturohok an saindang atensyon sa mga nagsusurrender, maging oficial o bako man.

May direktiba sa mga pulis hale sa PNP Provincial Offices na manman sinda gabos, para maibitaran nang magbalik pa sinda sa dating bisyo sa droga.

Inako kan pulis kan Albay na sa presente may binabantayan sindang duwang (2) consejal na nasa watchlist ninda na dating pusikit an pagkaimbuelto sa ipigbabawal na bulong. (BICOLSTANDARD.COM)
Share:

SPECIAL OFFER

SPECIAL OFFER

Featured Post

Daet P20M garbage project quizzed

Former Mayor Tito Sarion DAET, Camarines Norte — The pile-up of uncollected garbage in this town has urged residents to revive the inqu...