Saturday, August 27, 2016

11ng mga ilegal na minero arestado sa Labo, CNorte

LABO, Camarines Norte August 27, 2016 (Bicol Standard) – Orog pang pinaisog ngonian kan mga miembros kan Criminal Investigation and Detection Group (CIDG) an saindang operasyon kontra sa illegal na pagmina nin mga recursos naturales.



Kasubagong alas 5:00 nin aga, an CIDG liwat nag lansar kan Oplan Kalikasan sa Brgy. Binit, katuwang an mga pulis digdi, na nag resulta sa pagkakadakop nin 11ng mga illegal na minero.

An mga inarestar kan mga tawohan kan CIDT iyo an minasunod: Charlie Goso y Silda, taga Paracale; Gregorio Galicia y Alarma, residente kan Paracale, Mark Daryl De Bela y Balles, taga digdi sa banwaan na ini; Larry Boal y Praxides, Mark Glen Florinda y Roales, taga Daet, Melvin Bacurin y Saynos, taga Talisay; Leo Goso y Silda, taga Paracale,  Dave Ruiz y Balon, taga San Vicente, Terence Alvarez y Almasin, taga Labo, Sonny San Pascual y Puragay, taga Merceses asin si Roderick Magana, taga digdi.

An mga evidencia na nakua kan mga awtoridad sa mga suboot imbuelto sa illegal na pagmina iyo an mga gamit sa pagmina asin mineral ore.

Yaon pa sinda gabos ngonian sa hepatura kan pulis para sa dugang na imbestigasyon.

Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...