Saturday, July 30, 2016

Nagbadil kan siklista sa Quiapo nadakop sa Masbate

MASBATE (July 29, 2016) –Naarestar na kan pinagsarong fuerza kan 9th Infantry Battalion, mga miembros kan intelligence units kan Philippine Army asin PNP digdi si Pvt Vhon Martin Tanto, an mayor na suspechado sa pagbadil, gadan kan sarong nag bibisicleta sa Quiapo, Manila, kan fecha 25 ngonian na bulan.

An victima sa kasong ini iyo si Mark Vincent Geralde.

Si Tanto sinundo kan mga awtoridad sa laog kan saindang residencia sa Brgy. Poblacion East, Milagros, Masbate kasubagong alas 11:52 nin odto.

Maroromduman na kan Hulyo 25, ngonian na bulan, nakuahan nin retrato kan CCTV an bilog na pangyayari sa krimen. 

An CCTV footage iyo an piggamit na evidencia, kaya naging madali si pagbisto kan suspechadong si Tanto.

Mientrastanto, nadakop an suspechado pagkatapos na mismong makipag olay an agom kan suspechado sa sarong Army Reservist sa Bicol.

An Army reservist iyo na an naggibo nin paagui para makipag-coordinar sa mga nanunungdan sa pagsuko kan ni Tanto.

Sa presente, an suspechado yaon sa Provincial Office kan PNP sa Masbate mantang pigpoproceso an caso. (BICOLSTANDARD.COM)
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...