Wednesday, July 13, 2016

Pusikit na paraikit sa Naga City, nadakop

NAGA CITY, Julio 13, 2016 (Bicol Standard)  Pakalihis nin halipot na ralamagan, natringkahan asin dagos nang nadakop si Bethoven Bravante y Combo, an suspechadong pusikit na mandurukot digdi.

Sabi sa record kan pulis, si Bravante linamang ni Bgy. Kgd. Ernesto Velasco Jr., kan Sta. Cruz, sa atubangan kan Largo Eatery, pakatapos na habonan kan suspechado si Buenconsejo Orbillo y Rivera.

Si Orbillo, 74 anyos, iyo an Brgy. Secretary for Senior Citizen Affairs, kan Sta. Cruz.

Nakua sa poder ni Bravante an mga hinabon niyang gamit ki Buenconseyo, siring kan Naga City Senior Citizen Federation ID, Voter’s ID, Barangay Residence ID, asin Naga City Senior Citizen ID.

An iba pang nakua saiya iyo an cash na kantidad P1,300.00 na na collection hale sa Senior Citizen Registration, asin mobile phone.

Mientrastanto, kan rekesahon an laog kan darang bag asin backpack Bravante, nakakua an mga awtoridad nin sari-saring color nin t-shirts na pwedeng ginagamit sa pagpaghabon.

Nagtutubod an mga imbestigador na kada nakakadukot an suspechado, tulos siyang minadulag, asin minaribay nin bado para dae mabisto.

An iba pang laog kan dara niyang gamit iyo an minasunod: sari-saring clase nin school supplies, kabali ngani an sarong pencil case.

An saro sa mga bags na nakua sa suspechado pagsasadire ni Shiela SJ Javier, Nurse II sa Provincial Office kan Department of Health.

Oya an iba pang laog kan bag kan nurse: sarong camera; cellphone charger, key chain, mga tabletas, asin mga gamit sa pagbulong.

Igwa pang nakua sa saiyang baseball cap, cellphone asin motorsiklo na mayong plate number.

An suspechado yaon ngonian sa laog kan carcel mantang pigpepreparar an caso na isasangat contra saiya. (BICOLSTANDARD.COM)
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...