Monday, July 18, 2016

SA MINALABAC: 4 na kapitan, 600 na iba pa, nagsurrender

MINALABAC, Camarines Sur, Julio 18 (Bicol Standard) -- Apat na mga barangay kapitan, sarong dating kapitan asin tulong mga barangay kagawad an kabale sa labing 600 na mga taga digdi an voluntad na nagsuko sa Municipal Police Station kan sarong aldaw.

Intrevista ki Police Senior Supt. Walfredo Pornillos
BICOLSTANDARD.COM
Piglalaoman na kadakul na iba pa an masunod na masuko ngonian na aldaw.

Ini an pigconfirmar ni Vice Mayor Pedro Benamira sa intrevista kan DWNX ngonian na aga.

An sabi sa report hale sa PNP Provincial Office, an mga nagsuko iyo an mga barangay kapitan kan Tariric, Manapao, Antipolo, asin Salingogon, asin an dating kapitan kan Manapao.

Sabi sa sinumpaan na promisa kan mga nag susurrender na mga personalidad na imbuelto sa droga, padagos na nindang isisikwal asin lilingawan an maraot na bisyo.

An iba sa mga nagsuko mga para gamit nin droga.

An ibang imbuelto digdi iyo mismo si mga parabariwas nin shabu.

Nagpromisa pa sinda na makikipagtabangan na sa kampanya kan Duterte administration tanganing puhoon an paggamit kan ipigbabawal na bulong.

Ngonian na semana dakul pang taga digdi an nagpaabot nin mensahe sa lokal na pulis na masurrender na man sinda.

An mga oficial na voluntad na nagsuko nasibot kan suboot pinadarahan sinda nin mensahe sa text na dadalawon na sinda kan pigtatakotan na Bicol Vigilantes.

An sinambit na grupo iyo an nag-akong naggadan kan sarong taga Naga City. May saro pang pig-akong binadil an sinambit na grupo sa Brgy. Dayangdang, kan sarong semana.

Mientrastanto, tinawan sana suboot nin plazong 24 oras an mga punong barangay na imbuelto sa droga na mag-eskosar na mag suko asin magbago.

Maroromdoman na pirang taon na an nakaagi kan nagbungkaras sa record kan pulis na an Minalabac iyo an ika-lima sa may pinadakulang supply nin droga sa Camarines Sur.

May informasyon na igwa pang mga oficial nin barangay an nagsabi an masurrender na man.

Sa katakod na bareta, sa intrevista ngonian na aldaw ki Sr. Supt. Walfredo Pornillos, an pamayo kan PNP sa Camarines Sur, saiyang sinabi na naoogma siya na mismo nang an mga imbuelto sa droga an voluntad na nadudulok na sa mga pulis.

An pinakahalangaw na local na oficial na enot nang nagsuko sa lindong kan programang ini iyo si naghahale sa banwaan kan Presentacion, na nagsurrender mismo ki Mayor Jimmy “Manghay” Delina, kan sarong semana.

An baretang ini hale sa pahina kan mga tiniripon na bareta hale sa Provincial Office kan Provincial Headquarters kan PNP Camarines Sur. (BICOLSTANDARD.COM)
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...