Thursday, July 7, 2016

Paratinda nin shabu sa Minalabac, nakadulag sa pulis

MINALABAC, Camarines Sur, Julio 7, 2016 (Bicol Standard) – Gira na sana ni Eric Llagas y Fabio – 4ng sachet na may laog nin maputing pulbos na pigtutubodan na an laog shabu – an nakua sa saiyang residencia sa Brgy. San Jose, digdi kan laogon kan mga pulis kasubagong aga.

Afuera kan shabu, dakul na mga drug paraphernalia an na-recover kan mga awtoridad sa lugar na suboot parateng dudumanan kan mga paragamit nin droga sa sinambit na lugar.

Mientrastanto, sabi sa report kan PNP, an paghaloghog ninda kan residencia ni Llagas por medio sa ipinaluwas na Search Warrant na firmado ni RTC Judge Timoteo Panga, Jr. kan Branch 50, sa Ciudad kan Iriga.

Base sa pahayag ni Police Chief Inspector Edgar F. Valencia, haloy na nindang pigmanmanan an mga lakaw kan suspechado, na bantog sa sinambit na lugar na lantadan kun magpabakal kan ipinagbabawal na bulong.

Alagad, kan ginibo an pagrekisa kan laog kan saiyang residencia sa Zone 6 kan Brgy. San Jose, dae ninda inabotan an persona kan suspechado. (BICOLSTANDARD.COM)
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...