Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Monday, July 18, 2016

“Meat chopper” ginamit sa paggadan kan kasaroan sa Sipocot

SIPOCOT, Camarines Sur, July 17, 2016 (Bicol Standard) -- Haros piridasohon ni Allan Benosa, 28 anyos an edad an lawas kan saiyang kasaroan na si Rosalie Benosa, 30 anyos, kan sinda mag-iwal, kasuodmang poco mas o menos alas 7:00 nin aga.


An ginamit kan suspechado sa paggadan kan victima iyo an sarong klaseng sundang na pig-uusar sa pag tadtad nin carne, sabi sa report kan pulis.

Susug sa imbestigasyon, amay pa kasoodma, nag-iiwal na an duwa dapit sa problema sa familia, na dae na man ipig saysay sa report.

An ginadan na si Rosalie iyo an naghahanap buhay para sa saindang familia por medio nin pag rigaton nin sira.

An suspechadong si Allan Benosa, mayo nin trabaho.

Mientrastanto, an ikinautas kan buhay kan victima iyo an kadakol na tama nin taga sa manlaen-laen na parte kan saiyang lawas.

Nagkapira sa mga hararom na lugad sa lawas kan victima an naging mitsa tanganing matitian tulos siya nin dugo, kaya binawian nin buhay.

An incidente nangyari sa Zone 5 kan Barangay Bolo Sur. (BICOLSTANDARD.COM)
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...