Wednesday, July 13, 2016

1 gadan sa karambola nin 4 na awto sa Daraga, Albay

DARAGA, Albay, July 13, 2016 (Bicol Standard) – Saro an gadan sa karambola nin 4 na vehiculo sa banwaan na ini kasubagong aga sa Brgy. Malabog, sabi sa imbestigasyon kan pulis.

Si Marvin Dado, taga Purok 2, Oro Site, Legazpi City, sarong trabahador sa construction, asin iyo an driver kan motorsiklo na imbuelto sa aksidente, an binawian nin buhay.

Sabi sa report, an tulo sa mga vehiculo na kabale sa aksidente: Honda Wave, na an driver iyo si Marvin Dado (na binawian nin buhay); Isuzu PUJ, na pigmamaneho ni Johnson Montenegro y Ranada,taga Caloocan City; asin Mitsubishi PUV, na dae pa bisto an pangaran kan driver.

An mga ini nagdadalagan sa direksyon pasiring sa Poblacion kan banwaan na ini, hale sa banwaan kan Camalig, Albay.

An ika-apat na vehiculo, na sarong Isuzu tanker na pigmamaneho ni Roger Tandaan, nagdadalagan sa sabat na direksyon.

Pag-abot sa Zone 1 sa Brgy Salvacion,nabudalan kan Mitsubiship PUV an Honda Wave asin an Isuzu PUJ.

Huli kaini, nakabale na sa karambola an Isuzu tanker.

Bilang resulta kan barangaan dinara sa hospital an kasuno na sakay kan Honda Wave asin an 7ng mga nakalunad sa Isuzu PUJ.

Alagad, si Dado, na iyong nagmamaneho kan Honda Wave na motorsiklo ipig deklarar na gadan na kan maka abot sa BRTTH sa Legazpi City.

Sa intrevista kan mga miembros kan media kasubago, ki Frank Dado, inako kaini na posibleng may hangover pa an saiyang tugang na nagadan ta nag-irinuman sinda kasubanggui.

An gabos na mga vehiculo na imbuelto sa aksidente an nasa poder pa ngonian kan pulis.
Share:

Featured Post

Drug lab query continues

Committee on Dangerous Drugs points to more inconsistencies VIRAC, Catanduanes 2/27/17 (Bicol Standard)—The House Committee on Dange...