Monday, July 18, 2016

Dae pinautang, binadil kan pig-uutangan


CASTILLA, Sorsogon, July 18, 2016 (Bicol Standard)-- Binadil, gadan.

Ini an nangyari ki Norman Lasalita Llorente, barangay kagawad kan San Vicente sa banwaan na ini ngonian na alas 6:15 nin aga.

Sa enot na report kan pulis, si Llorente, binadil kan saiyang ama-on na si Joel Lasalita, sa tahaw kan mainit na dae pagkaintindihankan kan duwa.

Nagluluwas sa informasyon na nagtuyo an victima sa harong kan suspechado tanganing mag-utang nin cuarta ta an saiyang agom yaon sa hospital.

Suboot, dae napahonrahan kan suspechado an victima kan saiyang kahagadan.

Huli kaini, pigparagapo ni Llorente an harong kan suspechado, na iyong ikina-anggot na maray kan suspechado.

Ipinahayag ni P/Insp Realuyo kan PNP Castilla na nagpapadagos pa an saindang imbestigasyon kan kasong ini. (BICOLSTANDARD.COM)
Share:

Featured Post

Duterte condoles with families of slain, wounded Bicol cops, soldiers

Bicol Standard photo NAGA CITY (Bicol Standard) – President Rodrigo Duterte led the awarding of medals to members of the police and arm...