Sunday, July 3, 2016

Bareta sa kamugtakan kan panahon

NAGA CITY Julio 3, 2016 (Bicol Standard) -- Kasubagong alas 4:00 nin hapon, ngonian na aldaw, an Low Pressure Area (LPA) sabi kan Pagasa yaon sa distanciang 85 km sa Sirangan kan Catarman, Nortern Samar (12.6N, 125.4E).

An Intertropical Convergence Zone (ITCZ) nakaka-affectar kan Sur na parte kan Luzon asin Visayas.

An centro kan Tropical Storm (Nepartak) namumugtrak sa luwas kan Philippine Area of Responsibility (PAR).

Carculadong nasa distanciang 2,060 km sa sirangan kan Mindanao (9.5N, 145.0E) na may pinakamakusog sa duros na 65 kph harane sa centro.

May paborobagong duros na nagaabot sa 80 kph.

Naghihiro ini sa direction na pasiring sa Norteng Sulnupan sa rikas na 7 kph.

Pwede ining maging sarong bagyo sa Martes (July 5).

Segun ki Glaiza Escullar, an maraot na panahon aapodon sa pangaran na Butchoy, kun maglaog na sa Philippine Area of Responsibility.

Alagad, piglalaoman na dae ini matugpa sa arin man na parte kan kadagaan kan Pilipinas.

Makusog na uran an pwedeng sapoon kan mga lugar sa Luzon asin Visayas poon sa Mierkoles hasta Byernes, sa masangling semana. (BICOLSTANDARD.COM)
Share:

Featured Post

Bicol Central Station to launch online booking and payment portal this week

NAGA CITY (Bicol Standard) – The Bicol Central Station will launch on August 23 its Online Booking and Payment Portal as part of the st...