Wednesday, July 27, 2016

5ng para shabu sa Daet nadakop

DAET, CNorte (July 27, 2016) Anom (6) na darakulang bulto na may laog nin pig tutubodan “shabu” an  nakua sa poder kan limang (5) personas na nataraka kan mga awtoridad na nag kakaigwa nin pot session sa laog kan sarong abandonadong  harong na sadire ni Mary Grace Reoganes, sa banwaan na ini.



Base sa report, kasubagong alas 11:00 nin aga, mantang an mga tawohan kan Daet Municipal Police Station, kaibahan an mga officiales kan Brgy. IV, asin si Ricky Pera, na representante kan media nag coconducir kan Project Tokhang sa Purok 7, sa Brgy IV, nadakop sa aktong nag gagamit nin druga an minasunod: (1) Alex Herico a.k.a “Tari”, 45 anyos, balo asin ika 14 sa Drug Watchlist digdi; (2)  Jonathan Ecalner Canapit, a.k.a. Athan, 44 anyos, may agom, taga Purok 1, Brgy Binanuan, Talisay; (3)Conrado Borela Barcelona Jr, 33 anyos, may agom, taga Poblacion 2, Basud; (4) Arnel Anglo Panuelos, 31, soltero, taga Poblacion 2, Basud; asin (5) si Jonel Dela Pena Camo, 37, may agom, residente kan Purok 1, Brgy !, Magallanes Ilaod, wa banwaan na ini.

Kan ma tyempohan sindang madakop kan mga awtoridad, nakua sa saindang poder an 6 na darakulang bulto nin pig tutubodan na shabu;2ng halaba na heat sealed plastic sachet na may laog nin maputing pulbos, na pig tutubodan shabu; 1ng sadit na heat sealed transparent plastic sachet na may laog na shabu; mga kinoromokomo na alluminum foil; lighter, asin iba pang mga gamit sa pag usar kan pig papangalad na bulong.

An mga gamit na nacomfiscar sa sainda, dinara kan mga awtoridad bilang parte kan mga evidencia na gagamiton sa pag sangat nin caso contra sa mga nagkadarakop na imbuelto sa droga.

Mientrastanto, an limang personas na enot nang nasambit yaon pa ngonian sa poder kan mga awtoridad mantang hinahalat na maisangat an mga caso contra sa sainda. (BICOLSTANDARD.COM)
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...