For immediate hiring

For immediate hiring

Monday, July 18, 2016

2 minero nakuryente sa laog kan mina, gadan


PARACALE, Camarines Norte, Julio 18, 2016 (Bicol Standard)– Duwang personas an nagadan huli sa pagkakuryente sa Purok 5, Brgy. Tugos sa banwaan na ini.

Nabisto sinda sa pangaran na Ronel Vergel y Gutierez, 17 anyos, nagtatrabaho bilang para kabod nin bulawan asin si Mark Angelo Beraquit, taga Libmanan, Camarines Sur.

Sabi kan mga imbestigador, an bangkay ninda Vergel asin Beraquit nakuang mayo nang hinangos sa laog kan sarong labot na pigmiminahan sa banwaan na ini.

An kagsadire kan mina iyo si Susan Deviana y Asis, na taga Real Street., Brgy Poblacion Norte.

Mientrastanto, sabi ni Gilbert Vergel, na nagtestigo sa pangyayari, asin kaiba kan duwang nagadan na mga minero kan mangyari an aksidente.

Suboot, mantang gabos sinda siribot sa pagmina, aksidenteng nakapotan kan mga victima an sarong wire na may kuryente.

An makusog na voltahe kan kuryente iyo an naging mitsa kan saindang tulos na kagadanan.

Dinara an bangkay kan duwang naaksidente sa Belmonte Funeral Homes para sa post mortem examination.

An incidenteng ini nangyari kan fecha 16 ngonian na bulan, poco mas o menos alas 10:30 nin aga. (BICOLSTANDAND.COM)
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...