Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Friday, June 3, 2016

Suspect sa extortion sa Viga, Catanduanes dakop

VIGA, Catandunes –Makuring pagbasol an nagdominar sa pagkatawo ni Al Vergara y Uero alyas “Ka Jorge/Ka Melvin”, kan siya dakopon asin pusasan kan mga awtoridad huli sa sahot na imbuelto siya sa caso nin extortion, kan sarong aldaw (May 31).

Si Vergara dae na nahimong makadulag maski anong pag pulos-pugos kan siya tringkahan kan mga miembros kan entrapment team na compuesto nin mga pulis asin army.

Si SPO1 Erwin C. Pichela asin si Corporal Gilbert Rada an nanginot sa pagdakop sa suspechado.

An casong ini nagpoon sa reklamo ni Arnel Turado, na sarong miembro kan Provincial Board kan Catandunes.

Sabi sa sumbong ni Turado sa mga awtoridad, hinahagadan siya nin kantidad P20,000 kan sarong nagpabisto sa alyas na Ka Jorge/Ka Melvin bilang revolutionary tax.

Huli sa pagtubod na posibleng extortion an siring na gawi, pigplano kan victima asin kan mga pulis digdi an pagbilog nin entrapment team para tikloon an suspechado.

Naka-abot sa punto na nag tarawadan kan kantidad na hinahagad, kaya nag-oyon an suspect na gibohon na sanang P5,000.00 an hinahagad na cuarta, en vez kan origihal na P20,000.00.

Nagtugot an suspechadong si Usero na rerecibehon niya an cuarta sa paagui nin Smart Padala sa Account No. 5299 6748 0068 4103, na an may pugol kan sinambit na numero iyo si Rosel Evangelista y Molina na taga Brgy. San Vicente, Viga, Catanduanes.

Digdi nagpoon na maghiro an mga awtoridad na i-latag an plano para sa entrapment operation.

Mantang pigrerecibe kan suspechado an marked money na kantidad P5,000.00 hale ki Evangelista, na iyong kagsadire kan Smart Padala branch, saka nag-butwa na an mga miembros kan entrapment team.

Afuera kan limang pidasong pigphotocopy na manangribong pesos na ginamit sa entrapment, an iba pang nakua hale sa suspechado iyo an sarong (1) unit nin K89 KEN XIN DA cellular phone na an color pula, sarong unit nin Lenovo cellular phone, na itom an color, asin sarong pisadong lighter, na an color orange.

Pagkatapos kan matriumfong operasyon, dinara an suspechado sa Viga Rural Health Unit dangan sa Municipal Police Station digdi para sa dugang na imbestigasyon.

An caso contra ki Vergara dinara na sa Provincial Prosecutor’s Office. (BICOLSTANDARD.COM)
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...