Thursday, June 2, 2016

Tinaga sa liog, gadan sa Caramoan

CARAMOAN, CSur-–Mainit na diskusyon an ginikanan tanganing madisgrasya ni Edgar Dias y Quinones, 51 anyos, may agom,taga Sitio Pagdiwitan, Mandiclom sa banwaan na ini, kan sarong aldaw, (Mayo 31).

Base sa imbestigasyon kan pulis, tinigbas kan suspechadong si Dias an victima na nabisto sa pangaran na Dandy Obsinada. 

Liog an tama kan victima sa saiyang hawak. Huli sa mortal na tama kan victima, binawian tulos ini nin buhay sa lugar na pinangyarihan kan incidente.

Pagkatapos sana kan krimen, an suspechado voluntad na nagsuko sa Barangay Kapitan, dara an ginamit na armas.

Sinabi pa sa imbestigasyon na an nag-iwal na si Dias asin Obsinada magkataid sana an estaran sa barangay na ini.

Mientrastanto, pighahanda na ngonian an magkakanigong asunto kriminal na isasangat contra sa suspechado sa pangyayari.

An suspect yaon sa hepatura kan pulis digdi. (BICOLSTANDARD.COM)
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...