Thursday, June 23, 2016

Tinaga sa Ligao City, 1 gadan, 1 irido

LIGAO CITY, Junio 23, 2016 (Bicol Standard) – Mortal an tama sa lawas ni Nelson Bansale y Palma, 45 anyos, mantang maswerteng nakadulag si Maria Bansale y Penano, pareyong taga Brgy. Tula-tula, digdi kan sinda surungan kan mga suspechado sa saindang residencia.

Sabi sa report kan pulis, si Nelson Bansale asin si Maria nagtuturog na sa saindang harong, kan mag abot an sarong grupo nin mga tawo na nagsakyada.

Nabisto an mga pigsasahotan sa krimen na iyo sinda Dan Cantal; Terry Cantal; Junuel Topasi Cantal; Jid Topasi Cantal; Domingo Topasi Cantal; Ruel Realubit; Ephraim Montales asin Henry Pergil.

An incidente nangyari poco mas o menos alas 9:00 nin banggui kan Viernes (Junio 17).

An saro sa mga suspechado na si Jid Cantal tinigbas tulos si Nelson Bansale na binawian nin buhay sa lugar mismo kan krimen.

Si Maria Bansale, na kaibahan ni Nelson kan panahon na ito, nakadulag asin nakahagad nin tabang sa pulis.

Mientrastanto, huli man sa lugad sa lawas ni Maria, idinalagan man tulos siya sa hospital digdi.

Alagad, ibinalyo sa BRTTH sa Legazpi City para ipabulong.

Dae na inabot kan mga nagrespondeng pulis si mga suspechado sa lugar kan krimen.

Susug sa pinakabagong informasyon, sinangatan na nin reclamong Murder asin Frustrated Murder si Jid Cantal sa oficina kan fiscal digdi. (BICOLSTANDARD.COM)
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...