Wednesday, June 8, 2016

Taga-Sipocot nadukotan nin P200,000.00 sa Naga City

NAGA CITY–Nagtuturo an luha mantang nagsusumbong sa mga imbestigador kan pulis si Kimberly Remollena, nasa mayor de edad, taga Tara, Sipocot, Camarines Sur na nabiktima nin mga paradukot digdi.

Nag-estorya si Remollena na naglalakaw siya pasiring sa Tabuco Bridge hale sa PNR station kan narisa niyang may lalaki na nagbunggo sa saiyang likod.

An paghuna kan victima aksidente sana siyang natamaan sa likod kan lalaki na kan saiyang salingoyon marikason na naglalakaw parayo sa saiya.

Mientrastanto, nagkapirang minutos sana, nareparo kan victima na an saiyang darang bag na may laog nin mga importanteng gamit arog kan saiyang pitaka an dae na niya nakukua.

Hinalungkat niya an laog kan bag nin pirang beses, pero mayo si saiyang pitaka.

Base sa declarasyon ni Remollena sa mga imbestigador, may laog na mga importanteng gamit arog kan mga ID an pitaka.

Pero, an pinakaimportante iyo an kantidad P200,000.00 na yaon sa laog kaini, na pwedeng linalay na kan paradukot.

Durante kan ginibo na imbestigasyon dae nakatao nin malinaw na mga tanda na pwedeng maging basehan para mabisto an kag-gibo kan krimen.

An incidenteng ini ipina-record kan victima sa police blotter kasubanggui. (May report hale ki Paul Santos/BICOLSTANDARD.COM)
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...