Thursday, June 23, 2016

Sekyu, inagawan badil sa Naga City

NAGA CITY Junio 23, 2016 (Bicol Standard) – “Tinutukan ako nin badil. Hinapot kun ano an agency ko, dangan pirit na binukasan si sakuyang bag asin kinua si calibre .38 na revolver na service sako kan agency na pig tatrabahohan ko.”

Ini an declarasyon ni Rey Torazao y de los Santos, 19 anyos, security guard asin empleado kan Jar Security Agency, na may oficina sa Brgy. Triangulo digdi.

Base sa pahayag kan victima sa mga imbestigador, nakadestino siya bilang guardya sa Tableu Resto Bar sa Fordham St. Brgy. Concepcion Pequena.

Kan oras na mangyari an incidente, biglang may nagpondo sa saiyang atubangan na sarong lalaki na nakalunad sa scooter na an color pula asin itom.

Tinutukan siya nin badil, dangan inagaw si saiyang service firearm.

Marikas na nagdulag si lalaki pasiring sa dae na maaraman na direksyon.

Kan ipaabot an pangyayari sa pulis, ipinaheling sa victima an mga retrato kan mga tawo na dati naimbuelto na sa siring na mga krimen.

Nabisto tulos ni Torazo an retrato kan nag-agaw saiya kan badil na iyo si Daniel Estrada y Poot.

Sa record kan pulis, si Estrada taga Zone 5, sa barangay Pamukid, San Fernando, Camarines Sur.

Mientrastanto, an calibre .38ng pistola na inagaw sa victima may serial no. 1232147 asin may valor na P18,000.00.

Padagos pa an imbestigasyon sa casong ini. (BICOLSTANDARD.COM)
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...