Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Monday, June 6, 2016

College student, victima nin Robbery Extortion sa Capalonga

CAPALONGA, Camarines Norte-–Casong Robbery Extortion an isinangat contra ki Ed Anthony Salem y Pamaran, 29 anos, na ipigreklamo ni Kate San Pascual y Driz.

Sabi sa imbestigasyon, si San Pascual fuersahan na hinahagadan nin cuarta ni Salem.

Nagluluwas sa sumbong kan victima na siya pinapatakot na kun dae siya magtao kan kantidad na hinahagad kan suspechado, iwawarak suboot an privadong video kan victima.

Huli kaini, nagsumbong na si San Pascual sa mga awtoridad.

Para madakop an suspechado nagbilog nin team an pulis para sa entrapment operation.

Mismong an mga personahes kan Capalonga MPS na pinapamayohan ni PInsp Gaddula Nicolasora, an Deputy Chief of Police an nangenot sa operasyon.

Mientrastanto, pakalihis nin pirang minutos sanang pagmasid, tinuklo kan mga awtoridad si Salem, mantang nagcocobra kan cuarta na hinagad sa victima.

Nadakop an suspechado sa Juego Sari-Sari store sa Lopez Street, Brgy Poblacion, mantang nagkukua kan cuarta hale sa Smart Padala.

An evidencia sa entrapment operation na ini iyo an kantidad P1,150.000.

Idinagdag kan victima na ikaduwang beses ini na pagpadara niya nin cuarta sa suspechado sa paagui kan Smart Padala.

An enot nangyari kan Mayo 3, 2016.

Afuera kan cuarta hale sa Smart Padala, nakua sa suspechado an duwang units nin cellphone, sarong itom na pitaka na may laog nin 11ng mga sim cards, asin sarong pidasong papel na may mga nakasurat na nota.

Igwa man nin gamit an suspechado na sarong Unit na Suzuki Motorcyle na may plate No 4676 na pwedeng ginagamit kan bilang getaway vehicle.

An casong Robbery Extortion ipigplantear na contra ki Salem sa Provincial Prosecutor’s Office sa Daet, Camarines Norte. (BICOLSTANDARD.COM)
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...