Friday, June 24, 2016

Punong Barangay sa Placer, Masbate, binadil, gadan



PLACER, Masbate, Junio 23, 2016 (Bicol Standard) — Mayong patod an nangyayaring garadanan sa islang provincia kan Masbate.

An pinakabagong biktima iyo si Elpidio Dimape, Punong Barangay kan Mahayhay, sa banwaan na ini.

Sabi sa report ngonian na aga, si Dimape binadil nin mga dae nabistong mga lalaki sa saiyang residencia kasubanggui, poco mas o menos alas 7:00.

Nagsapo nin tama nin bala an biktima sa saiyang daghan asin sa abaga.

Ginibo an krimen mantang mayo nin kuryente sa saindang barangay.

Mientrastanto, pig-aragapan pa man kuta tanganing darahon sa hospital si Dimape, alagad ipigdeklarar na mayo na siya nin buhay.

Pakatapos na badilon an biktima, marikas na nagdulag an duwang lalaki na kaggibo kan krimen pasiring sa dae maaraman na direksyon. (Hale sa report ni Jet Ramos – BICOLSTANDARD.COM)
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...