Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Tuesday, June 21, 2016

Lalaki binadil mantang nagtuturog sa Aroroy, Masbate

AROROY, Masbate, 21 June, 2016 (Bicol Standard) –Binadil mantang nakahigda kataid an saiyang duwang aki si Levi Boston Jr y Laurio, taga Brgy Balete, sa banwaan kan Lunes poco mas o menos alas 4:45 nin hapon, segun sa mga imbestigador kan krimen.



Sa pagsiyasat kan mga awtoridad, nagluwas na si Boston nakipag-inoman kasuodmang odto sa saiyang mga tugang sa atubangan kan saindang residencia.

Kan nakamate na kan binino kan alak, nagpaisi na siyang magdiskanso asin naghigda para magturog.

Nabigla na sana an saiyang mga kairiba sa harong kan makadangog nin putok nin badil, asin tinamaan nin bala an estomago kan victima.

May mga dae bistadong tawo an nagtuyo sa harong ni Boston na iyo suboot an responsible sa krimen.

Huli kan pangyayari, dinara tulos an victima kan saiyang mga paryente sa Aroroy Municipal Hospital tanganing ipabulong.

Alagad, sinabi kan doctor mayo na siya nin buhay.

Nagpapadagos pa an pagconducir kan imbestigasyon kan insidenteng ini. (BICOLSTANDARD.COM)
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...