Monday, June 6, 2016

Albularyo sa Irosin, kinasohan nin Rape kan daragitang nagpabulong

IROSIN, Sorsogon –“Muya ko kuta na ipabulong sa albularyo an helang kan sakong aking daragita. 17 anyos na siya, alagad may problema sa pagregla. Ogaring, kan ipinaheling ko sa albularyo, en vez na siya bulongon, inabuso pa lugod."

Ini an declarasyon kan sarong ina kontra sa parabulong na nabisto sa pangaran na Benjamin Barcenas y Enamo, taga Brgy Bacolod sa banwaan na ini.

Sa estorya digdi, si Rita (bakong tunay na pangaran) iniba kan saiyang magurang sa harong kan parabulong. An tuyo iyo kan mag ina, iyo an maghapot kun kayang etcharan nin herbal na medicina an kamatean kan daragita.

Pag-abot ninda sa harong kan albularyo, tinaraman su magurang na maghalat sana sa luwas kan harong para makabwelo an pag lapat kan bulong na herbal.

Mayo nin pagduda, inagda kan albularyo sa cuarto an daragita. An sabi kan daragita, pinahuba siya kan saiyang kalson asin enerong bado sa lawas. Suboot, para maheling na entero kun ano an helang asinm deferencia.

Mantang nakaturuhok an parabulong sa mayong gubing na lawas kan victima, binugtakan niya nin rinolyong papel an ikinabuhay kan babae.

Dangan, ilinuwas man kan albularyo an saiyang armas pagka lalaki.

An sabi kan victima, naheling niyang nag masturbate an albolaryo sa saiyang atubangan. An patubod kan lalaki, iyo na an maluwas na mapulot na likido sa saiyang hawak , kaibahan an saiyang semilya iyo an gagamiton na panhaplas sa lawas kan daragita sundo sa sayang ikinabuhay.

Nangyari suboot ini. Saka pa sana natapos si halawig na ceremonya sa pagbulong.

Mientrastanto, kan naaraman kan magurang si nangyari, nag-agrabyo ini asin nagreclamo sa hepatura kan pulis digdi.

An mga awtoridad nag recomendar na sangatan si Barcenas nin casong pagbalga kan RA 8353 , na sarong forma nin casong Rape.

An reclamong ini kapot na ngonian kan mga awtoridad digdi. (Hale sa report ni Mark Kevin Arroco/BICOLSTANDARD.COM)
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...