Thursday, June 2, 2016

70 anyos na lalaki, nabangga nin motorsiklo, gadan sa Iriga City

IRIGA CITY – Ipigdeclarar kan doctor na gadan na an gurang na lalaki na nabundol nin sarong motorsiklo sa Zone 5, Brgy. Sta Elena digdi.

Susug sa pagsisyasat kan pulis, si Francisco Penones y Canuto, 70 anyos an edad, naglalakaw guyod an saiyang damulag na may pamaba, kan siya mabundol nin sarong motorsiklo hale sa saiyang likodan.

Nangyari an incidente poco mas o menos ala 3:48 nin amay na pagka aga kasoodma (June 1).

An aksidente nangyari sa tungod kan residencia kan mga Alferez digdi.

Nabisto an nagmamaneho kan Asian Star/Rusi motorcycle na si Johnson Almazar y Delda, 24 anyos, soltero.

Si Almazar may pugol na student permit sa pagmaneho, asin taga Zone 1, Tinawagan, Tigaon, Camarines Sur.

Base sa imbestigasyon an motorsiklo may plaka numero 4492-ED.

Mientrastanto, dinara pa man kuta an victimang si Penones sa Our Lady of Lourdes Hospital digdi, alagad ipigdeclarar na mayo na siya nin buhay.

Pighahanda na kan mga awtoridad an magkakanigong kaso na isasangat contra sa nakadisgracia. (BICOLSTANDARD.COM)
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...