Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, June 15, 2016

Holdupper sa Bulan, Sorsogon, dakop; tadtad nin bala

BULAN, Sorsogon—Binokod kan mga pulis asin mga official kan barangay sagkod na nadakop an suspechadong nagholdup kan Sea Oil Gas Station digdi.

An suspechado pigbistong si Jerry Gonzaga y Anora, 44 anyos, taga Brgy. Aguinaldo sa banwaan na ini.

Sabi kan Bulan Municipal Police Station, nag-osip sainda si Romeo Romero y Ridual, gasoline boy sa Harold Winston Sea Oil Station na poco mas o menos alas 9:45 nin bangui kan sarong aldaw, (June 12), tinutukan nin badil kan sarong lalaki an saindang kahera, dangan nag declarar nin holdup.

An suspechadong holduper pirit na kinua an color pulang sling bag na may laog nin dae mababa sa P10,000.00 na cuarta, saka nagdulag pasiring sa direksyon kan Brgy. Zone 1.

Marikas na nag responde an mga pulis na pinamayohan ni Police Inspector Fernando G. Manayod pasiring sa lugar na dinalaganan kan suspechado.

Sa ibong na lado, an mga oficiales kan barangay na pinamayohan ni Punong Barangay Andy Porras, ipigturn over an mga narecover nindang gamit hale sa suspechadong holdupper.

Kabale digdi iyo an sarong may saklayan na bag na color itom asin asul na may laog nin cash na kantidad P1,9010; sarong bag na pula na may markang Harold Winston Sea Oil Station; asin sarong magazine para sa calibre .45 pistola na may laog nin anom na bala.

An nasambit na mga gamit ibinatikal sa guilid kan tinampo mantang nagdudulag an suspechado.

Dinagdag pa sa report na dae pinondohan kan mga awtoridad an pagbukod sa holdupper na nagtago sa atop kan harong na sadire ni Lucita Reyno.

Mientras na naranihan na siya kan mga pulis, pinaputokan pa kan suspechado an mga awtoridad.

Huli kan pangyayari nagpiritan na an mga pulis na badilon na lugod an suspechado.

Tinamaan siya nin nagkapirang bala sa man laen-laen na parte kan saiyang lawas, kaya napiritan na mag suko, alas 11:40 nin banggui.

Nakua kan mga imbestigador an minasunod na mga gamit sa poder kan suspechado: sarong calibre .45 pistol na may markang Colt MK IV Series 30; pitong bala para sa calibre .45; cash na cuarta na kantidad P3,015; sarong itom na sarongan kan badil, asin sarong capsula na hale sa calibre .45ng pistola.

An suspechado dinara tulos sa Pantaleon G. Gotladera Memorial Hospital sa Brgy. Lajong para ipabulong. Alagad, ibinalyo siya sa Sorsogon Provincial Hospital sa Sorsogon City.

Sinangatan na si Gonzaga nin mga casong Robbery huli sa pagbalga kan Artikulo 293 na may relasyon sa Artikulo 294 asin Artikulo 148 (Direct Assault) sa Provincial Prosecution Office kan Sorsogon. (BICOLSTANDARD.COM)
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...