Wednesday, June 15, 2016

Lalaki tinaga sa Hobo, Minalabac

MINALABAC, Camarines Sur—Pighahanap pa ngonian kan mga awtoridad an mga suspechadong nag taga ki Ronaldo Borja y Albo, 49 anyos, may agom, asin residente kan Zone 3 sa Brgy Hobo, digdi.

Sabi sa imbestigasyon kan pulis, an posibleng guinikanan kan krimen iyo an haloy nang dae pagka-irintindihan kan magkalaban na familia kan victima asin kan mga suspechadong si Roldan Jacobe asin Isko Jacobe.

Si Isko Jacobe asin an saiyang aki na si Roldan pareyong at large pa sagkod ngonian.

An incidenteng ini nangyari kan Lunes (Junio 13), alas 6:15 nin banggui.

Segun sa imbestigasyon kan pulis, pigsurogan suboot na tagaon kan mga suspechado an victima.

Nalugadan an victimang si Borja sa likod na parte kan saiyang walang takyag asin toong parte kan saying lawas.

Dinara man tulos an victima sa Bicol Medical Center na kun saen siya pigpapabulong.

Mientrastanto, nagpapadagos pa an imbestigasyon kan casong ini. (BICOLSTANDARD.COM)
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...