Thursday, June 16, 2016

Driver, natambunan nin daga sa laog kan truck, gadan sa Sorsogon

DONSOL, Sorsogon--Ipigdeclarar kan mga doctor sa Donsol District Hospital na gadan na si Salvador Cadag y Mirabuna, na natambunan nin nagtupag na daga sa laog kan truck na saiyang pigmamaneho.

Susug sa report kan pulis, si Cadag iyo an driver kan truck na may plate number 796 na sadire ni Rolando Magtarayo y Badilla, na taga Brgy. Rawis sa banwaan na ini.

Nagluluwas sa imbestigasyon na narisa ni Cadag na nagtutupag an daga sa kataid na lugar na napaparadahan kan vehiculo kaya marikas siyang nagsangkay digdi tanganing makasalvar sa peligro.

Marikas si pangyayari huli ta mantang napa-andar na an awto, sarong poon nin kahoy an napukan kaibahan kan nagtitiris na daga, na nalagartong tinamaan an vehiculo.

Natambunan si Cadag kan daga asin nadatogan pa kan natumbang kahoy.

Mientrastanto, pig-aragapan kan mga residentes digdi an driver para maisalvar an saiyang buhay.

Nagtabang pa an mga pulis sa pagrescue.

Dinara man tulos sa Donsol District Hospital an may mga rungas na lawas kan victima, alagad ipigdeclarar kan mga doctor na gadan na.

An incidenteng ini nangyari kasoodma, Martes (Junio 15), alas 3:00 nin hapon sa Barangay Ogod, sa banwaan na ini. (BICOLSTANDARD.COM)
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...