Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Friday, June 3, 2016

Cattle Rustling nagpoon na naman sa Sipocot?

SIPOCOT, CSur –Sinangatan na nin casong pagbalga sa PD 533 (Cattle Rustling) si Ramil Palo, 21 anyos, residente kan Barangay Caima, kan banwaan na ini, kan makua mismo sa saiyang poder an nawawarang damulag na sadire ni Bonifacio Comia y Arevalo.

An incidente nangyari kan sarong aldaw, poco mas o menos ala 1:00 nin amay na mag-omagahon (May 31).

Sabi kan mga imbestigador, nagreport sa saindang hepatura an kagsadire kan nawawarang hayop kan Mayo 30.

An damulag nakagakod sa likod sana kan harong kan nag-aataman kaini, kan mariparo na nawawara na an saiyang atamas na 3 anyos nang damulag.

Marikas si naging esfuersos kan para-ataman kan hayop kaya tulos pig halog-hog an mga lugar na pwedeng makua an ataman.

Idinagdag sa bareta na dae na man nakapalag an suspechado kan makua sa saiyang poder an nawawarang damulag.

Huli kaini sinangatan na nin casong pagbalga kan PD 533 an suspechado sa Oficina kan Procurador kan Provincia.

An Regional Trial Court (RTC) sa Libmanan nag recomendar nin fianzang P36,000.00 para sa temporaryong libertad kan suspechado. (BICOLSTANDARD.COM)
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...