Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, June 15, 2016

No. 1 sa drug list sa Caramoan, dakop sa Brgy. Maligaya

CARAMOAN, Camarines Sur–An magayon na pangaran kan barangay Maligaya sa banwaan na ini an nadidigtaan na kan padagos na paglakop kan ipigpapangalad na droga na inaapod na methamphetamine hydrochloride, na mas bisto kan sa apod na shabu.

Maski nasa bukid na an kinakamugtakan kan barangay, an mga nagunong intelligence report nagsasabi na nagkukuriyat na talaga an bawal na bulong.

Sabi record kan pulis, sa binino kan Search Warrant na firmado ni Judge Ma. Angela Acompanado-Arroyo kan RTC branch 30 sa San Jose, Camarines, hinaloghog hinda an estaran ni Jhonson Mancilla y Ruiz asin nakakua sinda nin mga ipigpapangalad na droga.

Inarestar dangan kinasohan si Mancilla kan pulis kaya yaon siya ngonian sa poder kan MPS digdi.

An search operasyon ginibo poco mas o menos alas 4:30 nin amay na pagka-aga kan Lunes (June 13).

An inarestar na suspechado iyo an pigcoconsiderar na No. 1 sa listahan kan mga parapabakal nin droga sa banwaan na ini.

Afuera kan pigtutubodan na droga na nakua sa saiyang poder, may mga nakua pang drug paraphernalia sa saiyang residencia asin kantidad P25,000 na cash.

May badil pang naconfiscar sa saiya na sarong paltic na revolver na mayo nin serial number.

Si Mancilla kakasohan nin pagbalga sa Republic Act 9165 (Comprehensive Drugs Act of 2002).

An mga pulis na nagserve kan search warrant sa saiyang residencia pinapayohan ni PCInp Joselito M. Bermas, an hefe digdi.

An pagserve kan Search Warrant ginibo sa presencia ni Punong Barangay Danilo Belmonte asin Brgy Kgd. Arthor Cama, sabi sa report. (BICOLSTANDARD.COM)
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...