Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Friday, June 3, 2016

Extortionist gamit an Smart Padala, rinamalan sa Bulan

BULAN, Sorsogon-–Yaon na ngonian sa laog kan carcel si Erwin Ramirez y Bayoca, 33 anyos an edad, taga Brgy. Libertad, Bulan, Sorsogon na dinakop kan pulis huli sa sahot na siya imbuelto sa extortion digdi.

An binilog na team ni PSupt. Edison A. Dumangas, hefe kan police sa provincia asin a Bulan MPS iyo an maniobra kan entrapment operation contra sa suspechado.

An sabi sa report kasoodma (June 2), poco mas o menos alas 8:00 nin aga, binantayan kan mga awtoridad si Ramirez na marecibe kan cuarta na saiyang suboot pig-extort hale sa Winston Enterprises, sa Sorsogon City.

An cuarta pinaagui sa Smart Padala.

Mantang nakabantay na an mga awtoridad, alas 11:45 nin aga, nag-abot na sa lugar an suspechadong si Ramirez.

Nagderecho an suspechado sa kahera para kuahon an cuarta na pinadara sa Smart Padala.

Alas 12:00 nin odto, kan parehong aldaw, dinagoso na kan mga pulis si Erwin Ramirez, na pugol an cuarta na saiya suboot na pigextort hale sa Winston Enterprises.

Mientrastanto, pinaliwanagan na tulos an suspechado kan saiyang derecho sa lindong kan Constitution, dangan sinangatan nang kaso kan MPS kan banwaan na ini.

An problema sa extortion na ginagamit an Smart Padala bilang parte kan modus operando nagkukuriyat ngonian.(BICOLSTANDARD.COM)
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...