Thursday, June 23, 2016

Tanod, sinaksak, binadil, gadan sa Bula, CSur


BULA, Camarines Sur, Junio 23, 2016 (Bicol Standard) — Mayo pa nin malinaw na resulta an imbestigasyon kan mga awtoridad dapit sa nakuang bangkay sa Brgy. Pawili sa banwaan na ini.

An malipot nang hawak kan lalaki na nabistong si Jay Tortoles y Doroin, ipigreport sa pulis ni Brgy. Kgd Ederliza Molina kan Martes (Junio 21).

An gadan, naaraman na tanod sa barangay na ini.

Nagluluwas sa imbestigasyon na si Tortoles may tama nin bala sa saiyang lawas, laslas an liog, asin igwang mga lugad na pwedeng hale sa saksak nin matarom na kutsilyo, na iyong causa kan saiyang kagadanan.

Hastang sinusurat an baretang ini mayo pang nagugunong malinaw na informasyon asin evidencia na pwedeng maging giya para mabisto an responsable sa krimen.

Sabi kan informante, nagpapadagos pa an imbestigasyon hasta ngonian. (BICOLSTANDARD.COM)
Share:

Featured Post

LGU Naga City, stricto sa mga paputok

NAGA CITY (Bicol Standard) -- Pig orolayan kan mga oficial kan LGU Naga asin an 27ng Punong barangays kan Ciudad an mga estratihiya par...