Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Sunday, June 19, 2016

2 gadan, 4 irido sa baradilan nin 2ng armadong grupo sa Balud, Masbate

BALUD, Masbate, Junio 19, 2016 (Bicol Standard)—Duwang suspechadong parasalakat an nagadan, mantang an apat na iba pa an nagkarulugadan sa pakibadilan sa saro pang armadong grupo sa bilar nin sarong gadan sa Sitio Tambobo, Brgy. San Andres, sa banwaan na ini.

An incidente nangyari kan Sabado (Junio 18), alas nueve nin banggui.

Segun sa imbestigasyon, an nagadan sa lugar na pinangyarihan kan baradilan iyo si Joel A. Catalan, 27 anyos, taga Sitio Tambobo, Brgy. San Andres, asin si Darie B. Dalinog, 28, na taga Brgy. Ilaya digdi.

Si Catalan asin Dalinog pareyo nag-aatubang nin mandamiento de arresto sa mga caso nin pananalakat asin pag-ikit, sa banwaan na ini.

Mientrastanto, an mga idinalagan sa Balud Municipal Hospital asin Masbate Provincial Hospital iyo sinda Jesus A. Catalan, 24, ngohod na tugang ni Joel; Jessie B. Astorias asin Aser Villalobos, pareyong mga taga Brgy. San Andres; asin si Nilo A. Delfin, 27 anyos asin residente kan Brgy. Mabuhay, sa banwaan na ini.

Base sa imbestigasyon, an grupo ni Catalan nagbibilar sa sarong gadan kan an gang ni Dalinog, Delfin asin 3ng dae bistgong mga lalake an mag-abot sa lugar, dangan pinaarakasakan nin badil an grupo ni Catalan asin saiyang mga pag-iriba.

Nakiribayan nin putok an grupo ni Catalan, kaya tinamaan nin bala sinda Dalinog asin Delfin.

An tulong mga pag-iriba ni Dalinog an nagdurulag pakatapos kan baradilan.

Mantang sinusurat an baretang ini an mga awtoridad nagsisiyasat pa kan motibo kan krimen. (BICOLSTANDARD.COM)
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...