Tuesday, June 7, 2016

Babaeng pulis, binanog nin 18 anyos na daraga sa Sta. Elena, CNorte

STA. ELENA, CNorte –Sarong 18 anyos na babae an ipigreklamo nin casong Direct Assault kan kulgan kaini an sarong miembro kan Philippine National Police (PNP) na nabisto sa pangaran na PO2 Susan Peralta Paraiso.

An ipigreklamo iyo si Jesalyn Albay y Tagayan, daraga, asin residente kan Brgy. San Diego, Tagkawayan, Quezon.

Base sa imbestigasyon si PO2 Paraiso na nakadistino sa Women’s Desk kan pulis digdi, pinamuransangan kan suspechado por medio nin gunit, suntok asin sipa sa man iba-ibang parte kan saiyang lawas.

Nagbalinghaw si Albay kan magconducir nin body search sa suspechado, huli ta siya ipig reklamo na pig para angat si Marichu Villacrusis y Elorde na kukulgan.

Naggibo nin imbestigasyon an pulis, asin kan maconfirmar na may base an reclamo, dinumanan an kinakamugtakan kan suspechado.

Inarestar kan mga awtoridad si Albay asin an nagsunod iyo an body search saiya.

Sa puntong ini nangyari an incidente na binanog kan suspechado si PO2 Paraiso.

Mantang ginigibo an imbestigasyon si Albay detinido ngonian sa hepatura kan pulis sa banwaan na ini.

Decidido an victima na kasohan nin Direct Assault an suspechado. (BICOLSTANDARD.COM)
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...