Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, June 8, 2016

Babaeng gurang, nabudol-budol an sinaodan sa Daraga, Albay

DARAGA, Albay–Mayong herak kan biktimahon kan mga miembros kan budol-budol gang digdi an 63 anyos na babae na taga Caracaran, Rapu-rapu, Albay, na nagdayo para magsaod para sa saiyang familia.

Sabi sa sumbong kan victimang si Norma (bakong tunay na pangaran) naghahalat siya nin jeep na lulunadan para mag-oli, kan biglang magsabong sa saiyang isip na magbakal pa nin iba pang gamit sa centro kan banwaan na ini.

Sa puntong ini sarong lalaki an nagrani saiya asin nag presentar na tabangan an si Norma sa pagbitbit kan mga sinaodan.

Mientrastanto, may nagdulok na duwa pang kaiba kan enot na lalaki na nag sagin-sagin na mawalat man kan saindang mga binakalan.

Naghale na ngona si Norma para mag magsaod sa centro kan banwaan na ini ta igwa siyang pwedeng walatan kan mga enot na binakalan.

An problema ta kan magbalik na sa lugar na winalatan kan saiyang mga sinaodan si Norma, dae na niya naabotan an mga lalaki na pigtutubodan na mga miembros kan budol-budol gang na nag ooperar sa banwaan na ini. (With report from MARK KEVIN ARROCO/BICOLSTANDARD.COM)
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...