Monday, June 13, 2016

Babae, pinatok sa payo, gadan sa Goa; saro pa an irido

GOA, Camarines Sur-–Mainit na diskusyon an guinikanan kan makangirhat na krimen na nagresulta sa kagadanan ni Vevencia Borosca y Pahuway, 48, na taga Zone 1, Brgy. Lamon sa banwaan na ini.

An victima hinaromal nin patok sa saiyang payo, na iyong naging causa tanganing tulos siyang magadan.

Afuera sa victimang si Borosca, saro pang lalaki na pigbisto sa pangaran na Ruel Carino y Segundo, 37 anyos, an winatingan pa kan armas na patok kan suspechadong si Efren Carino y Sesgondo.

Alagad tinamaan sana siya sa saiyang walang takyag kan tarom kan armas na patok.

Si Ruel Carino, sabi kan mga imbestigador, ngohod na tugang ni ni Efren Carino, an suspechado sa krimen na ini.

Idinagdag pa sa report na ligtas na sa peligro an buhay ni Ruel.

Nangyari an krimen kan sarong aldaw, Viernes, Junio 10, poco mas o menos alas 10:00 nin aga.

Mientrastanto, pagkatapos tulos kan incidente, nagdulag an suspechado.

Ipinahayag pa sa pareyong report na may deferencia sa pag-isip an suspechado.

Hasta sa sinusurat an baretang ini mayo pang informasyon kun nasa poder na kan mga awtoridad an suspechado. (BICOLSTANDARD.COM)
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...