Thursday, June 16, 2016

3ng taga Baao dinakop huli sa casong panlulupig

BAAO, Camarines Sur, Junio 16, 2016 (Bicol Standard)–Nadakop na kan mga pulis digdi an tulong tawo na may mandamiento de arresto hale sa Regional Trial Court (RTC) huli sa magagabat na mga kaso.

Sa report ni Police Chief Inspector Venerando F. Ramirez, an hefe kan pulis, saiyang sinabi na tinuklo ninda si George “Godot” Laceda y Bayos, 46 anyos, may agom, asin si Marites Laceda y Balani, 46 anyos, para atubangon an saindang mga caso sa jusgado.

An duwang nasambit na pangadan pareyong nag-eerok sa Sitio Liboton, Brgy. Buluang.

Dinakop sinda poco mas o menos alas 2:00 nin hapon kasuodma (Junio 15).

Kabale pa sa mga dinakop kan pulis iyo si Policarpio Bolo y Baldoza, 54 anyos, may agom.

Pinusasan man siya mismo sa saindang residencia sa Brgy. San Ramon, sa banwaan na ini, kasuodma man na alas 4:45 nin hapon.

An kasuguan na sinda darakopon hale mismo ki Judge Maria Clarissa L. Pacis-Trinidad kan Branch 36 kan RTC, sa Ciudad kan Iriga.

Nag-aatubang sinda nin 6 na casong panlulupig, na may Criminal Case Nos. IR-11570-11576 asin duwang counts nin Sexual Assault na may CC Nos. 11576-11577.

Huli sa magabat an mga kaso na saindang inaatubang, mayong fianzang ipigrecomendar para sa saindang temporaryong libertad.

An mga akusado dinara kan mga pulis sa saindang hepatura para sa magkakanigong disposisyon.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...