Monday, June 20, 2016

All-out war contra sa droga, ikakasa sa Masbate

MASBATE CITY, Junio 20, 2016 (Bicol Standard)—“All-out war against drugs.”

Ini an sinabi ni Police Senior Supt. Benett Nabunat, na iyong nagrepresentar ki Masbate PNP Provincial Director Senior Supt. Alexander Jadoc Sampaga, sa meeting kasubago na inatendiran kan mga miembros kan media.

Segun sa pahayag kan pulis, tatawan ninda nin dakulang atensyon an nagdadanay na garadanan sa banwaan kan Balud asin iba pang mga lugar sa islang provincia kan Bicol.

An press conference ginibo sa Sinagtala Hall, sa Camp Bonny Serrano, alas 8:00 nin aga, kasubago.

Mientrastanto, pirang beses na tinawan nin doon kan mga oficial kan pulis an patanid na mayo sindang sasantohon maski sisay pa man, bastang maglapas sa ipigboboot kan ley, mapadapit sa sa ilegal na droga.

Maroromduman na haros pirang bulan o taon na ngani an naglipas, nagkuriyat talagang entero an pigbabawal na droga digdi.

Hahagadon kan mga awtoridad an cooperasyon kan gabos, kabale na an mga oficial kan mga barangay na magtarabang para linigon an saindang lugar sa nagdadanay na sari-saring forma nin krimen.

Huli kaini, an pinaisog na kampanya sarabat na ilalansar sa pagpoon na gayo kan administrasyon kan matukaw na administrasyon ni Presidente Rodrigo Duterte.

An bagong hefe ejecutibo enot nang nagpatanid sa gabos na magiging prioridad niya an paglaban sa droga asin korapsyon sa gobierno. (BICOLSTANDARD.COM)
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...