Thursday, May 26, 2016

17ng sachet nin shabu nadakop sa taga-Pili


PILI, Camarines Sur – Hinog na an haloy nang hinaman na plano kan pulis na surodon an gabos na lugar na may mga imbuelto sa pagbariwas kan pigpapangalad na droga.

Sa bisa kan search warrant na pinaluwas kan Regional Trial Court (RTC) tinimbog na kasoodma an saro sa nagkapirang agit-agitan asin pusikit na paratinda nin droga digdi.

Dae ngona pinangaranan kan mga awtoridad an dinakop na lalaki na taga Zone 5, Tagbong.

Mawot kan mga pulis na siertohon na shabu talaga an laog kan 17ng sachet nin mga pigtutubodan na droga asin drug paraphernalia.

Sa entrevista ki PO3 Eneno Calongui, sinabi kaini na yaon sa listahan kan mga imbuelto sa retail nin droga an lalaki na saindang rinamalan.

An police operation ginibo poco mas o menos alas 7:00 nin aga kasoodma.

Afuera sa suspechado, nagluwas na an report na dakul pang mga pangaran nin mga imbuelto sa pagpabakal nin droga an pighihimunta nang isunod digdi.

Mahalat pa nin pirang aldaw an mga awtoridad para makua an official na resulta hale sa laboratoryo kan PDEA na iyong mapatunay kun shabu talaga an saindang nacomfiscar.--LDBJr/BICOLSTANDARD.COM
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...