Tuesday, May 31, 2016

No. 2 most wanted sa Aroroy, dakop na

AROROY, Masbate –Dinakop kan mga awtoridad digdi kasoodma (Mayo 30) an 61 anyos na lalaki na sinasabing iyo an ika 2 sa pinaka wanted sa banwaan na ini.

Pinangaranan kan pulis an inarestar na lalaki na iyo si Arles G. Cedello, suspechado sa casong panlupig.

Pinosanan si Cedello kan mga nagdakop kan mga pulis poco mas o menos alas 11:15 nin odto, kasoodma, sa Brgy. Puro digdi.

An suspechado sarong residente kan Brgy. San Isidro, Aroroy.

Susug sa mga imbestigador dae man nag-ansyas pang magdulag an suspechado kan ipinaheling saiya si kopya kan mandamiento de aresto na firmado ni Judge Jacinto Tambago kan Regional Trial Court, Branch 48 sa Masbate City.

Mayong ipigrecomendar na fianza para sa temporaryong libertad kan akusado.

Si Cedello yaon ngonian sa poder kan Municipal Police Station digdi mantang pig hahalat an magkakanigong disposisyon kan caso.--BICOLSTANDARD.COM
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...