Invitation for Bids

Invitation for Bids

Job Posting

Job Posting

Thursday, May 26, 2016

Nagsalakat sa Nabua, nadakop tulos; kantidad P40K nakabalik



Nabua, CSur ---Mayo nang naginibo si Zaldy Solomon y Tarob kan siya itukdo asin ipadakop kan may sadire nin sarong grocery store na saiyang sinalakat kan sarong banggui.

Susug sa imbestigasyon kan pulis, si Solomon dating empleado kan grocery store na sadire ni Alexander Arellano. Alagad siya hinale bilang empleado huli sa sahot na halaba an saiyang kamot.

Nagluluwas sa record kan kasong ini na an suspechadong si Somomon nag agi sa atop kan tindahan para makalaog sa grocery store. Mantang yaon na sa laog kan tindahan rinapak kaini an sarayan nin cuarta, dangan idinulag.

Amay pa kan sarong aldaw kan maaraman kan kagsadire kan tindahan na yaon sa laog an suspechado kaya kan marisa na may nawawarang cuarta, siya tulos an pigdudahan.

Sa tabang nin nagkapira pang persona, hinahap ni Alexander Arellano kun yaon saen si Solomon.

Inabotan an suspechado sa terminal kan van na byahe pasiring sa Sorsogon na naghahalat kan masunod na awto na malarga.

Digdi pinogolan na an suspechado,hastang magtuga na siya talaga an naggibo kan pagsalakat sa grocery store.

Nakua sa poder kan suspechado an kantidad na P40,000.00 na iyong kantidad kan nawawarang cuarta sa tindahan.

Base sa dugang na declarasyon kan suspechado, igwa pa suboot siyang mga pag-iriba sa paghabon na pinangaranan na Mark asin Jeck. Kan hinapot kan pulis kun yaon sainda an saiyang pigtutukdong mga pagiriba, dae suboot niya aram an saindang pig-eestaran.

Sinangatan na tulos nin casong Robbery si Solomon kan pulis digdi.--LDBJr./BICOLSTANDARD.COM
Share:

SPECIAL OFFER

SPECIAL OFFER

Featured Post

Besinio is new Baao mayor

BAAO, Camarines Sur –The Department of Interior and Local Government Regional Office in Bicol has officially served the dismissal order...